Онлајн резервација без гужва и непотребно чекање

Пратете ни термин, број на лица, посакувана дестинација и неколку детали што ви се важни за одморот. Барање може да испратите преку формата, Messenger, Instagram или телефонски повик.

Во работно време одговараме најчесто во рок од 30 минути. За барања испратени подоцна, одговараме во следниот активен термин.

Откако ќе испратите барање, ја проверуваме достапноста за вашиот термин. Потоа добивате понуда по е-пошта, а по ваша потврда договорот се испраќа за дигитален потпис.

Да. Договорот го добивате по е-пошта и се потпишува дигитално. Така целиот процес останува прегледен, брз и лесен за следење.

Резервацијата се потврдува по прифатена понуда, потпишан договор и извршена уплата според инструкциите што ги добивате по е-пошта.

Плаќањето се врши по фактура со банкарски трансфер на сметка. Цените се изразени во евра, а уплатата се врши во денари по курс наведен во понудата.

Да. Можете да се јавите во работно време за насока околу избор на место, сместување или термин. За финална понуда, договор и потврда, деталите ги добивате писмено по е-пошта.

Понудите на Azure Holidays се за патување со сопствен превоз. Фокусот е на сместување во Грција за патници кои патуваат самостојно.

За најбараните термини во јули и август, најдобро е да пратите барање што порано — особено ако барате конкретно место, близина до плажа или сместување за фамилија. За јуни и септември обично има повеќе простор за избор, но достапноста секогаш зависи од конкретниот термин и сместување.